Sisi Balong Ngagoletak
Karya : Yus Rusyana
Umurna sawelas taun
kira-kira
Na tonggongna
buntelan ku samping beureum
Kopeahna buludru
belel henteu cuplak
Kawas tibra sisi
balong ngagoletak
Irungna, biwirna,
ramo-ramona jeung dampal sukuna
Geulang karet dina
pegeulangna leungeun kenca
Na sukuna aya patlot
solobong awi
Deukeut kuciat
buku-bukuna pabalatak
Umurna sawelas taun
kira-kira
Awakna sehat
parangi marahmay
Calana sepe baju cele
kotak-kotak
Ngan lebah dadana, deudeuh
Bajuna rangsak
Taya nu nangenan kahalangan daun taleus
Kawas ngimpi sisi balong, deudeuh
Bukuna dibungkusan ku keretas endog beureum
Tanah Air Kita,
kepunyaan Tata kelas lima A
Umurna sawelas taun kira-kira
Kawas tibra sisi balong ngagoletak
Teu kadengeeun manuk sapu noroweco na regsang
Deukeut kuciat, deudeuh
Buku-bukuna pabalatak
Tidak ada komentar:
Posting Komentar